Keni dashur ndonjëherë të largoheni nga përdorimi i tastierave, mausit dhe tapeteve të tij? A po ndjeheni nostalgjikë për kabinetat arcade të viteve ’90 dhe armët e tyre me dritë? Mund të kemi një paisje periferike që do ju ndihmojë me këtë.
Arkade Blaster ju lejon që ta ktheni telefonin tuaj në një armë për ta përdorur me “qindra lojëra për PC”, përfshirë këtu Rainbow Six Siege, Fortnite, PUBG, Overwatch, Apex Legends dhe Call of Duty: Warzone. Ajo është e përshtatshme me Steam Link, Nvidia GeForce Now dhe me disa lojëra mobile gjithashtu.
Paisja funksionon përmes një kombinimi të një vendi të dedikuar për telefonin tuaj (iOS ose Android) dhe një “high-precision gyroscope” të inkorporuar brenda. Dritat anash saj ju lejojnë të kontrolloni health dhe ammo, ndërkohë që butonat ju lejojnë të bëni livestream në YouTube ose Twitch.
PewDiePie është një nga mbështetësit e këtij projekti, sipas Arcade. Ai thotë se kjo do të jetë “epike”.
Website-i Indiegogo i Arkade Blaster është live tani dhe 1000 njësitë e para janë të disponueshme për $75. Të tjerat pastaj do të kushtojnë $99. Ato do të fillojnë të dërgohen në qershor të 2020s.