Pak pasi Apple njoftoi fitimet e çerekut të parë të 2021, informacione të reja tregojnë se sa iPhones janë paketuar për në Q4 të 2020. Shifra është masive. Suksesi i kompanisë mund të lidhet me lançimin e serisë së iPhone 12, kur kompania njoftoi katër modele të disponueshme në përmasa të ndryshme.
Statistika të reja nga IDC, të postuara nga Francisco Jeronimo, tregojnë si Apple arriti numrin më të lartë të dërgesave, brenda një tremujori. Asnjë shitës smartphones nuk ka patur aq shumë dërgesa sa Apple brenda një tremujori të vetëm.
Duket se gjërat mund të përmirësohen në vazhdimësi, pasi kompania i ka kërkuar furnizuesve që të rrisë prodhimin e iPhones me 30% për gjysmën e parë të 2021.
Shitjet e iPhone gjithashtu mund të rriten me 50% në Q1 2021, falë kërkesave të larta për iPhone 12. Gjithsesi, kjo nuk është e vetmja arsye pse Apple paketoi aq shumë iPhones në Q4 2020. Kompania ka modele edhe më diverse tani. Më parë klientët duhet të hidhnin shumë para për të marrë një model të denjë, ndërkohë tani mund të blejnë iPhone SE për $399 dhe të marrin të gjithë eksperiencën e mirë të iOS.