Ka disa thashetheme rreth linjës së re të iPhone në vitin 2020. Tani që Apple dhe Qualcomm kanë zgjidhur problemet midis tyre dhe nëse nuk ka më probleme që mund të hasen përgjatë rrugës, mund të supozojmë se Apple do të inkorporojë 5G modem në iPhone-in e vitit të ardhshëm.
Modeli i cili momentalisht nuk ka një emër do të jetë i bazuar në dizajnin e iPhone 8. Sipas informacioneve të publikuara nga Economic News Daily, ky model i iPhone do të përdorë silikonin e A13 të Apple, që kompania synon të përdorë për iPhone-ët e këtij viti. Ne ende nuk dimë ndryshimet midis këtij modeli dhe modeleve te tjera te cilat do të lançohen të njëjtën kohë me të, por shpresojmë se performanca e këtij celulari të jetë po aq e mirë sa e serive të tjera të iPhone edhe pse ky model do të jetë më i lirë.
Përveç kësaj, celulari do të ketë 128GB hapësirë, së bashku me një kamera me një lente. Këto cilësi duken të ngjashme me iPhone XR, me përjashtim të dy ndryshimeve të mëdha. I pari është se pajisja prej 4.7 inç do të ketë ngjashmëri me iPhone 8, duke sugjeruar se Touch ID mund të rikthehet.
Shpresojmë që ky model të jetë vazhdimi i iPhone SE i cili doli një seri mjaft e suksesshme sidomos në Mbretërinë e Bashkuar. Mendohet se çmimi do të jetë i kënaqshmë, rreth $650 duke e bërë atë më të lirë se iPhone 8.