Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
“Apple është duke kërcënuar një ekosistem të tërë zhvilluesish si reagim ndaj padisë së ngritur prej Fortnite,” është shprehur Epic ditën e dielë.
Kjo lëvizje fokusohet në suportin e iOS për Unreal Engine, që Apple ka kërcënuar ta heqë si pjesë e humbjes së privilegjeve që do të ketë Epic. Epic tani i ka kërkuar gjykatës që ta frenojë Apple nga të bërit këtë gjë gjatë kohës që çështja është akoma në gjyq. Apple reagoi të premten ndaj kësaj kërkese, duke theksuar se ishte duke përforcuar politika të përmendura edhe më parë, por nuk po mohonte që suporti për iOS ishte i rrezikuar.
Epic thotë se heqja e suportit të iOS për Unreal Engine do të ishte një ndëshkim i panevojshëm, duke ndikuar zhvilluesit që kanë ndërtuar me engine e Epic, por që nuk kanë lidhje të drejtpërdrejt me këtë konflikt.
Kjo erdhi bashkë me një deklaratë të re nga ana e Microsoft që mbështeste lëvizjen e Epic, duke theksuar se sa katastrofike do të ishte që t’i mohoje Epic aksesin në developer tools të Apple. Çdo zhvillues që po e përdor këtë engine do e ketë të pamundur për të rregulluar të meta ose bugs, duke ndaluar automatikisht suportin për një gamë të gjerë lojërash, përfshirë këtu Forza të Microsoft.
Today we filed a statement in support of Epic's request to keep access to the Apple SDK for its Unreal Engine. Ensuring that Epic has access to the latest Apple technology is the right thing for gamer developers & gamers https://t.co/72bLdDkvUx
— Phil Spencer (@XboxP3) August 23, 2020
Konflikti mes Epic dhe Appe filloi në 13 gusht, kur Epic njoftoi një mënyrë të re pagese brenda Fortnite, që anashkalonte tarifën e 30% të Apple. Në këtë pikë Apple hoqi Fortnite nga App Store, lëvizje që u pasua me Epic që e hodhi kompaninë në gjyq për praktika monopoliste.
