Apple njofton Mac të rinj këtë muaj si dhe në Maj-Qershor

Apple pritet të mbajë një event më 8 mars për të shpallur iPhone SE 3 dhe iPad Air 5 të shumëpritur. Për më tepër, kompania pritet të prezantojë edhe Mac të rinj. Kompania do të shpallë të paktën një Mac të ri me më shumë Mac që vijnë në kornizën kohore maj ose qershor.

Lajmi ndahet nga Mark Gurman në një newsletter të tij të fundit Power On, duke sugjeruar që Apple po përgatitet për “një raund tjetër të lançimeve të Mac rreth majit ose qershorit”. Kjo do të thotë se kompania do të shpallë të paktën një Mac në një event të marsit, ndërsa pjesa tjetër e Mac-ve do të shpallet më vonë në maj ose qershor. Kompania po planifikon të lançojë disa Mac të rinj këtë vit, të cilët përfshijnë MacBook Air të ri, iMac Pro, Mac mini, si dhe MacBook Pro të përmirësuar. Gurman përmend se Apple mund të lançojë një Mac mini të nivelit të lartë së bashku me një MacBook Pro low profile 13”.

Kompania gjithashtu mund të planifikojë të lançojë MacBook Air dhe iMac 24 inç me një çip M2. Sa i përket Mac mini, Apple mund të shtojë çipat e saj më të fundit M1 Pro dhe M1 Max në përzierje për performancë të përmirësuar. Nëse shikojmë kornizën kohore të përmendur nga Gurman, Apple mund të nisë raundin e dytë të Mac në eventin e saj WWDC në muajt e ardhshëm. Kjo nuk është hera e parë që po e dëgjojmë këtë pasi Ross Young ka folur më parë një lançim veror për Mac të rinj.

Gurman rithekson gjithashtu se Mac Pro High End të Apple mund të shfaqë versione të përmirësuara të çipit M1 Max me 20 core CPU dhe 64 core GPU për performancë të përmirësuar procesimi grafike. Çipi i dytë mund të ketë deri në 40 core CPU dhe 128 core GPU. Kini parasysh se konfirmimi i takon Apple, ndaj sigurohuni që mos t’i merrni lajmet seriozisht.