Spotify prapë ka më shumë përdorues globalisht.
Spotify prapë ka më shumë përdorues globalisht.
Në një kthesë të habitshme të ngjarjeve, Apple Music ka kaluar Spotify në numrin e përdoruesve premium të platformës. Nuk ka shumë ditë nga përvjetori i debutimit të Spotify në treg. Aksionet e tij janë në të njejtin nivel si kur filluan një vit më parë dhe tani kompania Suedeze e gjen veten më poshtë se rivali i saj. Duhet marrë parasysh që këtu po flasim vetëm për përdoruesit e platformave në US.
Rreth korrikut të vitit të shkuar edhe Apple edhe Spotify kishin afërsisht 20 milion klientë që paguanin. Tani Apple Music po komandon me 28 milion subscribera, në raport me Spotify që qëndron momentalisht në 26 milion. Apple është rritur me 2.5% për muaj dhe Spotify 2%.
Apple ka një farë avantazhi gjithsesi. Apple Music vjen e instaluar në telefona dhe në botë ka shumë iPhones. Diku te 900 milion mendohet të jenë aktiv në të gjithë globin. Për fatin e keq të Spotify, ai nuk mund ta instalojë veten në një bilionë paisje.
Gjithsesi po ti kalosh gjërat në këndvështrim global, Spotify është ai që qëndron në krye të industrisë. Aplikacioni që u themelua në 2006 gjeneron më shumë përdorues jashtë US. Rreth 96 milion përdorues janë subscribed dhe 109 milionë të tjerë përdorin formatin falas të tij që Apple nuk e ofron.
Globalisht Apple duhet të mjaftohet me 56 milionë subscriberat e tij. Të dyja kompanitë kanë bërë edhe partnershipe me të tjerët. Në rastin e Spotify është firmosur edhe një marrveshje me Samsung për ta bërë Spotify programin default të muzikës. Kjo e fundit do ti jepte Spotify avantazhet që ka Apple me iPhone-at.
Nëse numrat e rritjes së Spotify në US janë 2% dhe ato të Apple janë 2,5-3% ky është një tregues shumë i keq për Spotify. Nënkupton se Apple po rritet 50% më shpejt se kompania më e madhe në botë për muzikën.