Apple pritet që të japë lajme të reja rreth shërbimeve në TV, lajme dhe financa në eventin e 25 marsit. Gjithsesi ka një mundësi që mund gjithashtu të marrim të reja rreth shërbimit iOS game subscription. Raportohet se Apple po diskuton këtë shërbim me partnerë të tjerë të mundshëm.
Ky shërbim u përfol fillimisht nga fundi i janarit dhe do ti lejonte përdoruesit të luanin një sërë lojërash përmes një pagese mujore. Ky është një koncept i ngjashëm me një lloj Netflix-i i fokusuar në gaming.
Për këtë subscription , Apple mendohet të jetë duke konsideruar vetëm lojëra të paguara. Pra lojëra që varen në modelin freemium (free-to-play me blerje brenda applikacionit) nuk do të jenë pjesë e marrveshjes. Kjo do të rezultonte në nxjerrien jashtë loje të hiteve si Fortnite ose PUBG Mobile. Gjithsesi Minecraft, Stardew Valley, Heads Up!, Monument Valley 1 and 2 dhe NBA 2K19 do të ishin të përshtatshme.
Klientët do të kenë një tarifë mujore që të mund të luajnë të tilla lojëra dhe zhvilluesit do të paguheshin në bazë të frekuentimit të anëtarëve në këto lojëra. “Kompania do të mbledhë këto tarifa mujore dhe fitimet do të ndahen me zhvilluesit, bazuar në numrin e orëve që përdoruesit shpenzojnë duke luajtur një lojë të caktuar.”
Ky plan mund të zbulohet zyrtarisht në eventin e të hënës. Ky shërbim i Apple do të fokusohet kryesisht në iOS dhe nuk do të jetë cloud-based si në rastet e Microsoft, Sony dhe së fundmi Google Stadia nga Google.