Apple konfirmon $1 milion shpërblim për këdo që bën hack një iPhone

Apple e ka rritur goxha shumën që ju ofron hacker-ave në gjetjen e defekteve dhe problemeve në iPhone dhe Mac, duke e çuar atë deri në $1 milion. Deri më tani njihet si shpërblimi më i lartë për gjetjen e një bug-u nga kompanitë e mëdha teknologjike.

Këto shpërblime zakonisht nisin në $200,000 dhe në sezonin e vjeshtës ky program do të jetëi hapur për të gjithë. Dikur vetëm ata që ishin pjesë e programit bug bounty të kompanisë mund të kualifikoheshin për ti marrë këto shpërblime.

Apple gjithashtu ka në plan të lançojë një Mac bug bounty dhe së shpejti ta zgjerojë këtë edhe për watchOS dhe Apple TV. Këto njoftime erdhënnë Las Vegas gjatë konferencës Black Hat, ku Ivan Krstić foli për sigurinë në iOS dhe macOS.

$1 milionshi i plotë do të shkojë për ata që mund të bëjnë një hack në bërthamën e iOS pa asnjë klikim nga vetë përdoruesi i iPhone-it. Një tjetër $500,000 do të jetë për ata që mund të sulmojnë rrjetin pa patur asnjë informacion nga përdoruesi. Gjithashtu ka një 50% bonus për hackerat që gjejnë një dobësi të software-it përpara se ai të publikohet.

Apple i ka rritur këto shpërblime në përballje me një treg privat që fiton po të njejtën shumë, kur ja shet qeverisë këto informacione.

Siç e ka vënë në dukje dhe Maor Shwartz, një exploit mund të shitet deri në $1.5 milion. Një exploit që ka në qendër WhatsApp përshembull, kur nuk kërkohen fare klikime nga përdoruesi, mund ti shitet qeverisë për po të njejtën shumë, pasi të tilla raste janë shumë të rralla. Një ose dy në vit shiten në total, nga rreth 400 kërkues që fokusohen në hacking të një niveli.

“Është shumë e vështirë ti bësh të gjitha kërkimet dhe më pas të gjesh një exploit që funksionon.” U shpreh ai.

Ai e mbylli deklaratën e tij dukethënë se shpërblimet e dhëna për bugs-at kanë qenë shumë të suksesshme, me 50 bugs-a seriozë të raportuar që nga fillimi i kësaj praktike në 2016n.