Beteja e vazhdueshme ligjore mes Apple dhe Epic Games mori një tjetër kthesë ditën e martë, me Apple që tashmë po kërkon për dëmshpërblim dëmesh nga studioja, pasi theu kontratën me të. Kjo lëvizje erdhi pas kërkesës së Epic për të vendosur Fortnite sërish në App Store. Apple nuk e ka përcaktuar shumën që kërkon për dëmet.
“Padia e Epic nuk është asgjë më shumë se një mosmarrëveshje bazike për para,” tha gjigandi i teknologjisë në deklaratën e tij për Distric Court of the Northern District of California. “Sado që Epic e portretizon veten si një Robin Hood i korporatave moderne, në realitet është një kompani multi-miliarda dollarshe që thjesht do të mos paguajë taksën e saj për App Store.” Apple zbuloi se Epic ka fitur mbi $600 milionë dollarë nga App Store.
Nëse nuk e kapët se si ndodhi e gjithë kjo situatë, në 13 gusht, Epic vendosi një opsion për fortnite në iOS dhe Android, ku lojtarët mund të blinin V-Bucks më lirë drejtpërsëdrejti nga Epic. Sigurisht që të dyja kompanitë, Apple dhe Google e hoqën menjëherë lojën nga dyqanet e tyre, lëvizje të cilës Epic ju përgjigj me një padi.
Në 28 gusht Apple i hoqi Epic Games developer account që kishte në App Store, duke hequr edhe lojërat e tjera të kompanisë në këtë proçes. Për një moment kompania ishte gati të hiqte edhe Unreal Engine, por gjykata nuk e lejoi këtë.
Apple tashmë po i çon gjërat një hap më tutje duke i kërkuar gjykatës që Epic të marrë përgjegjësi për veprimet e tij, duke i kërkuar Fortnite që të ripaguajë të gjitha fitimet që mblodhi kur i dha lojtarëve mundësinë e pagesës drejtpërsëdrejti nga ata.
Një seancë dëgjimore do të mbahet mes dy kompanive më vonë gjatë këtij muaji.