Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Duket se dhe Apple do t’i bashkohet këtij trendi
Apple mund të bëhet pjesë e tregut të smartphone-ve të palosshëm duke nisur që nga iPhone 12, në mënyrë që të konkurrojë me Samsung.
Zgjedhja e një telefoni është gjithmonë e vështirë dhe Apple duket se dëshiron ta vështirësojë edhe më shumë duke lançuar një iPhone të palosshëm. Samsung është bërë pjesë e tregut me Galaxy Z Flip dhe duket se edhe rivali i tyre dëshiron të futet në garë.
Sipas një raporti, i cili citon një profesor të shkencës së xhamit, si dhe informacion nga Corning, kompania prodhuese e Gorilla Glass, këta të fundit po punojnë për më shumë produkte për telefona të palosshëm që do të vijnë gjatë 12-18 muajt e ardhshëm, gjë që ka bërë të lindin zëra se kjo po bëhet për iPhone-in e ri.
Padyshim që asgjë nuk është zyrtare ende, pasi Apple ende nuk e ka zbuluar linjën e tyre të re të produkteve, por këto shenja padyshim që të bëjnë kurioz. Pritet që ky iPhone të lançohet në 2021, por shumë gjëra mund të ndryshojnë deri atëherë.
Duhet të kemi parasysh se kur Samsung porositi telefonat e tyre të palosshëm, ata patën probleme nga më të ndryshmet. Nëse Apple qëndron larg tyre me versionin e tyre, ai mund të bëhet edhe iPhone më i shitur në të ardhmen.
Një gjë që nuk dihet është se çfarë do të ndodhë me linjën e tanishme të iPhone. Jo të gjithë do të donin një telefon të palosshëm, prandaj pritet të shohim nëse kjo do të jetë e ardhmja e Apple ose nëse versionet e tanishme të iPhone do të vazhdojnë të prodhohen.
