Apple sugjeron të pastroni iPhone-in tuaj mes panikut të Coronavirus

Nuk ka dyshim se Coronavirus do të jetë i dëmshëm për industrinë e teknologjisë në tërësi. Me shumë evente që janë anuluar dhe shumë kompani duke u tërhequr nga ngjarjet kryesore të teknologjisë që do të ndodhin këtë vit, frika ndaj këtij virusi është reale.

Duke pasur parasysh këtë, telefonat inteligjentë janë ndër produktet që përdoren më shumë, gjë që lidhet edhe me faktin se smartfonët tanë kanë shumë baktere në to. E thënë thjesht, ka shumë baktere në një smartphone mesatar, dhe duke marrë parasysh sesi bota po përpiqet të mbrohet nga kontakti me Coronavirus, është më mirë nëse po kujdesemi për pajisjet tona në mënyrën se si po kujdesemi për veten tonë.

Përdorimi i dezinfektuesit në iPhone-in tuaj është një ide e mirë, sugjeron Apple

Pjesa interesante këtu vjen nga ana e Apple. Në të kaluarën, udhëzimet e Apple kanë këshilluar kundër përdorimit të pastruesve, dhe paralajmërimi që Apple dha nuk kishte terren pasi përdorimi i kimikateve mund të dëmtojë veshjen oleofobike tek ekranet. Apple ka ende paralajmërime kundër përdorimit të spërkatjeve të aerosolit, si dhe amoniakut, pastruesve të dritareve dhe disa kimikateve të tjera.

Sidoqoftë, Apple ka update-tuar udhëzimet e saj dhe tani sugjeron që nëse dëshironi të përdorni dezinfektues për të pastruar pajisjet tuaja, mund ta bëni këtë. Më poshtë është një fragment nga udhëzimi zyrtar.

Tani Apple ende sugjeron që spërkatja e këtyre kimikateve drejtpërdrejt në pajisjen tuaj, nuk është diçka që ata do të sugjeronin sepse lehtë mund të lërë lagështi në hapjet e pajisjes. Këto udhëzime të reja janë sigurisht të mira, sepse Coronavirus aktualisht është duke u përhapur në të gjithë botën, dhe duke marrë parasysh mënyrën se si përdoren telefonat inteligjentë vazhdimisht, është më mirë që t’i mbajmë sa më të pastra.

Në kohën e shkrimit, ne nuk jemi plotësisht të sigurt se sa zgjat virusi në një sipërfaqe por bazuar në studime, virusi mund të zgjasë në një sipërfaqe që varion nga dy orë në nëntë ditë.