Në rast se nuk e keni dëgjuar, Epic Games ka ngritur një padi kundër Apple, pasi i akuzoi për praktika monopoliste dhe anti-kompetitive. Kjo ishte pasi Apple vendosi të heqë Fortnite nga App Store. Vendimi erdhi pasi Epic solli një mënyrë alternative pagese për V-Bucks që i shmangej 30% të Apple.
Që nga ajo pikë më shumë informacion ka dalë në pah për padinë dhe tashmë dimë ekzaktësisht se sa para ka fituar Apple me tarifën e saj të 30% nga Fortnite.
TARIFA 30% E APPLE I KA SJELLË $400 MILIONË NGA FORTNITE
YouTuber-i Mykal, i njohur ndryshe si The Fortnite Guy postoi një video të avokatit të famshëm Dan Pulse, nga agjensia CarterPulse. Kjo është e njejta agjensi që së fundmi hoqi ban-in e Waffles. Avokati mund të dëgjohet teksa shpjegon se ka disa kompani të tjera që po e mbështesin Epic në padinë që ka ngritur.
Kjo përfshin emra si Spotify dhe Tinder, që janë të vetëdijshme për monopolin që Apple refuzon ta lëshojë në App Store. Ai gjithashtu shpjegoi se praktikat e Apple bien në kundërshtim me të dyja Sherman Act dhe California Cartwright Act.
Të dy këto akte janë ndërtuar që të parandalojnë kompanitë nga të krijuarit e një monopoli dhe për të ndaluar praktikat anti-kompetitive. Më tej ai shpjegon se Epic Games nuk kërkon shpërblim nga ana e Apple, por thjesht do t’i vërë gjërat në vendin e duhur. Ai tha se totali i dëmeve të kërkuara nuk është më shumë se $75,000 dhe kjo vetëm për të mbuluar tarifën e avokatëve dhe detajeve të tjera ligjore.
Së fundmi ai shpjegoi se kjo gjë nuk lidhet vetëm me Epic Games ose Fortnite, por me shumë kompani të tjera që janë të lodhura nga ky monopol. Ai gjithashtu konfirmoi se Apple kishte marrë 30% të fitimeve me një vlerë rreth $1.2 miliardë, që përkthehet diku te $400 milionë.
Mund ta shikoni videon e plotë më poshtë: