Avokatët që po përfaqësojnë Apple dhe Epic Games dolën përpara një gjykatësi në Zoom ditën e hënë për të sqaruar konfliktin më të madh të padinë e tyre: Heqja e statusit të zhvilluesit të Epic në App Store, që do të hiqte përdorimin e Unreal Engine nga të gjitha lojërat dhe platformat e mundshme, jo vetëm Fortnite.
Epic tha se do të dëmtohej jashtëzakonisht shumë nëse Fortnite dhe statusi i tij si zhvillues hiqej në datë 28 gusht, jo duke marrë parasysh që seanaca e madhe gjyqësore nuk do të dëgjohet deri në prillin e 2021.
Rezultatet kanë dalë dhe janë deri diku të miksuara për Epic Games. Gjykatësi, Yvonne Gonzalez Rogers, i distriktit të SHBA, ka dhënë një urdhër të përkohshëm që e ndalon Apple t’i heqë Epic statusin e zhvilluesit ose t’i mohojë update Unreal Engine në sistemet operative të Apple.
Nga ana tjetër, Apple nuk do të kërkohet që ta bëjë Fortnite të disponueshme në App Store sërish. Gjykatësi vendosi se kjo ishte një pasojë e sjellë nga vetë ana e Epic.
Në argumentat e tyre, avokatët e Epic përqëndroheshin në dëmet që do i shkaktoheshin Epic Games nëse Fortnite dhe Unreal Engine do të hiqeshin nga App Store, si ankesa të shumta të klientelës si edhe dëme në reputacion, duke thënë se ka disa zhvillues që po fillojnë të largohen që tani nga Unreal.
Apple ripërsëriti argumentin se Epic e bëri dëmin me kokën e vetë dhe se thjesht duhet të rikthente Fortnite në gjendjen fillestare të metodave të pagesës, për të shmangur të gjithë këtë mesele.
Kjo është vetëm një nga përplasjet e para të betejës me Apple dhe Epic. Avokatët e kompanive do të mblidhen së bashku sërish në 28 shtator për të vendosur nëse Fortnite dhe Unreal Engine mund të mbeten në platformat e Apple deri pranverën e ardhshme.