Apex Legends është një nga lojërat më të suksesshme të vitit 2019 deri tani dhe duket se do të kemi shumë legjenda të reja që do të vijnë në lojë së shpejti. Përdorues të caktuar të Twitterit postuan screenshots të leaks-ave që janë bërë data mined nga serverat e Apex. Dy legjenda të reja me emrat “Octane” dhe “Wattson” duket se do të bëjnë një paraqitje në lojë.
Krahas emrave, mund të jenë zbuluar edhe aftësitë e mundshme për çdo personazh. Octane duket të ketë një aftësi “Stimpack” ndërsa Wattson ka një Tesla Trap (me shumë mundësi një lloj kurthi që dëmton lojtarët ose i lë ata pa lëvizur për një periudhë të caktuar kohore.)
“Stimpack” nga ana tjetër mund të jetë një lloj stimulimi për shëndetin e lojtarit, por ende nuk ka mjaftueshëm informacon për të qenë të sigurtë. Krahas Wattson dhe Octane, u gjet edhe një tjetër listë e personazheve të mundshme, por nëse do jenë të konfirmuar ose jo ende nuk dihet.
Respawn e ka bërë të qartë se duan të garantojnë përmbajtje të re për lojtarët, ndaj mund të mos na duhet të presim shumë për ardhjen e legjendave të reja në lojë.