Apex Legends Season 7: Ascension është konfirmuar më në fund nga EA dhe zhvilluesi Respawn Entertainment. Sezoni sjell plot kontent të ri, duke u siguruar që loja të qëndrojë e freskët.
Konfirmimi i parë vjen për personazhin e ardhshëm të Apex Legends: Horizon. Ai do të jetë i disponueshëm kur të fillojë Season 7. Më në fund kemi edhe një datë konkrete për ardhjen e tij. Ai do të vijë në monitorët tanë në 4 nëntor.
Horizon u arratis nga një vrimë e zezë dhe është eksperte e gravitetit, që synon ta përdorë për t’u kthyer në Olympus për t’u ribashkuar me të birin e saj. Do hamendësojmë që kjo gjë ka ndodhur, duke marrë parasysh faktin që harta e re quhet Olympus.
Nuk dimë shumë gjëra për hartën në vetëvete, por vajti goxha kohë që është paralajmëruar. Ash, Mirage dhe Lifeline e kanë përmendur Olympus, qytetin e reve. Sigurisht ky ishte dhe vendi ku u vranë prindërit e Loba në Season 5.
Kur vjen puna për të luajtur në hartë, e dimë se përmasa e saj do të jetë e madhe, pasi Respawn ka shtuar edhe Trident, një automjet përmes të cilit ekipi juaj mund të udhëtojë në qiell.
EA gjithashtu konfirmoi battle pass-in e ri, me 100 items ekskluzive si zakonisht dhe clubs, një veçori e re. Season 7 duket mjaft premtues në Apex Legends. Mezi po presim.