Për pak kohë keni mundësi të luani hartën origjinale
Për pak kohë keni mundësi të luani hartën origjinale
Harta origjinale e Apex Legends, Kings Canyon, do të rikthehet, por vetëm për një kohë shumë të shkurtër. Respawn Entertainment do ta risjellë hartën në një playlist të veçantë në Apex Legends duke nisur nga 21-24 shkurt.
Kings Canyon u ndryshua gjatë kohës që ishte në Apex Legends, por duket se Respawn po rikthen në lojë eksperiencën origjinale nga Season 1 për lojtarët. Kings Canyon u ndryshua gjatë Season 2 në Apex Legends dhe më pas u zëvendësua nga harta e re, World’s Edge, në Season 3.
World’s Edge gjithashtu ka ndryshuar me ardhjen e Season 4 në Apex Legends. Sezoni i ri gjithashtu solli një personazh të ri në lojë, Revenant.
Edhe pse rikthimi i Kings Canyon do të jetë shumë i shkurtër, Respawn mund të ketë një arsye të mirë se pse duan ta bëjnë këtë gjë. Mbase ata po testojnë se sa mirë do të funksiononte loja me dy harta të ndryshme të disponueshme për t’u zgjedhur nga lojtarët.