Në këtë event do të sulmoni lojtarët e tjerë në rolin e një zombie
Në këtë event do të sulmoni lojtarët e tjerë në rolin e një zombie
Apex Legends ka planifikuar diçka të veçantë këtë Halloween. Respawn Entertainment ka zbuluar se loja falas battle-royale e tij do të mbajë Fight or Fright “Collection Event” nga datat 15 tetor deri në 15 nëntor për të festuar sezonin e frikshëm festiv.
Lajmi u njoftua zyrtarisht në faqen e web-it të Apex Legends, pas thashethemeve për një event Halloween-i, që dolën në sipërfaqe javën e shkuar. Eventi do të sjellë një mode të re të vendosur në hartën origjinale të lojës në King’s Canyon, sfida me kohë të limituar, cosmetics me tematikë Halloween-i e shumë të tjera.
Gjithsesi pjesa më interesante është mode-i i ri i Fight or Fright që do të quhet Shadowfall. Mode-i do të vendosë 35 solo Champions të luftojnë në stilin battle royale. Problemi është që pasi të vdisni, do të ringjalleni si një version i vdekur dhe do ti viheni pas pjesës së mbetur të lojtarëve si pjesë e “Shadow Squad.”
Anëtarët e Shadow Squad nuk kanë akses në arsenalin tipik të armëve ose fuqive të Legjendave të tyre, por do të jenë më të shpejtë në veprimet e tyre dhe do të kenë disa sulme melee tepër shkatërruese. Krahas këtyre sigurisht edhe aftësinë për të bërë respawn sa herë të duan.
Përveç Fight or Fright, Respawn do të sjellë edhe disa cosmetics të limtuara që mund të blihen përgjatë eventit, duke përfshirë këtu 2 skine armësh Legendary dhe një numër veshjesh për disa nga personazhet e lojës.
Pritet që me afrimin e lançimit të Fight or Fright javën e ardhshme, Respawn të publikojë listën e plotë të patch notes për këtë update.