Gjatë konferencës së saj për fitimet javën e shkuar, EA konfirmoi se një version mobile i Apex Legends është në zhvillim e sipër. Ekzekutivët nuk thanë se kur pritet të lançohet, por vunë në dukje se janë duke e ndërtuar versionin për smartphones me një parnter në Kinë.
Lojërat mobile dhe Kina janë dy gjëra për të cilat do dëgjoni shpesh teksa industria e videolojërave futet në 2020ën.
Mobile është segmenti me rritjen më të shpejtë në gaming, duke zënë 46% të fitimeve totale të industrisë vitin e shkuar. Sigurisht që Microsoft shiti 50 milionë Xbox One, Sony 102 milionë PS4 dhe Nintendo 53 milionë Switch, por ka 3.2 miliardë njerëz në botë që kanë një telefon, ndaj mund të themi se gara nuk është e drejtë. Gara nuk është fare aty.
Gjithsesi, Amerika e Veriut ka vetëm 9% të tregut global të smartphones. Kina ndërkohë ka 27% dhe shumica e këtyre njerëzve luajnë lojëra në telefon. Nga viti 2000 deri në 2015 Kina ndaloi shitjen e të gjithë konsolave të huaj të videolojërave, duke i shkëputur gamerat nga tregu global. Kështu lojtarët në Kinë u limituan në PC dhe telefona për gati dy dekada.
Sot, Kina ka rreth 604 milionë gamers në mobile. US pastaj ka 162 milionë.
Kjo na risjell te Apex Legends. EA është duke punuar me një partner në Kinë për të ndërtuar dhe lançuar versionin mobile të lojës së saj. Një lëvizje kjo me shumë mundësi për të lehtësuar hyrjen e lojës në tregun kinez. Gjithsesi, ky plan nuk është i garantuar që do të funksionojë dhe për këtë majfton të shohim Call of Duty Mobile.
Activision bashkëpunoi me gjigandin kinez Tencent për të krijuar dhe lançuar Call of Duty: Mobile në 1 tetor të 2019s. Suksesi ishte i menjëhershëm, por prapëseprapë loja nuk është ende e disponueshme në Kinë. Sado që Activison bëri një lëvizje të tillë strategjikë, ajo prapë nuk mundi të kalonte përtej rregullave të Kinës.
Sado që ndalimi për konsolat nuk qëndron më, autoritetet kineze vazhdojnë ti monitorojnë nga afër llojet e lojërave që lançohen në vendin e tyre dhe këto aplikojnë edhe për lojërat mobile. Asnjë emër kompanie nuk është i madh mjaftueshëm sa për ti thyer dhe për këtë kemi Activision si dëshmitare. Ndoshta EA do të përballet me një situatë të ngjashme për Apex Legends Mobile.