Apex Legends nuk do të ketë një hartë të re në Season 6

Sipas një email-i të dërguar nga Respawn, duket se harta e re nuk do të vijë këtë sezon

Shumë thashetheme rreth sezonit të gjashtë të Apex Legends kanë qarkulluar dhe më kryesori ka qënë për hartën e re të quajtur “Olympus”. Mesa duket ky thashethem po merr një përgjigje nga një email i dërguar nga Respawn. Ky email i ardhur nga Respawn si një email promocionale për sezonin e ri jep disa të dhëna kyçe rreth veçorive të reja që do të vijnë ketë sezon. Në një pjesë të këtij email përmendej Rampart, Volt energy SMG dhe një hartë e ristrukturuar.

Nga kjo gjë mund të themi se hartë e re mund të mos vij gjatë këtij sezoni dhe të planifikohet për t’u sjell në lojë gjatë sezoneve të tjera. Por mos u mërzisni pasi sipas disa leaks, harta e re do të vij së shpejti. Sipas leaks, duket se harta e re ishte planifikuar për ketë sezon por diçka ka shkuar keq dhe është shtyrë për më vonë. Mesa duket developers po na mbajnë në pritje për të zbuluar “Olympus” bashkë me legjendën e re, Volt SMG dhe battle pass të cilat do të prezantohen më 18 gusht.