Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Apex Legends vazhdon të sjellë para për EA. Loja battle royale pritet të bëhet një nga më fitimprurëset e kompanisë deri në mbylljen e këtij viti fiskal.
Duke folur për rritjen e kësaj loje multiplayer, COO dhe CFO i EA Blake Jorgensen, thotë se deri në mars të 2021 loja do të vlejë një miliardë dollarë. Ai tha se të gjitha studiot janë duke e ekzekutuar mjaft mirë punën e tyre dhe se do të vazhdojë të zgjerohet në platforma të reja.
Përsa i përket fitimeve të drejtpërdrejta, loja FPS nga Respawn Entertainment pritet të grumbullojë $500 milionë për këtë vit fiskal. Apex Legends është kokë më kokë me The Sims 4 përsa i përket të ardhurave, duke kaluar Madden Ultimate Team, por ende mbrapa Fifa Ultimate Team.
“Fokusi ynë vazhdon të mbetet në çdo gjë që bëjmë për njerëzit tanë, lojtarët tanë dhe komunitetin tonë,” shtoi Jorgensen. “Falë dedikimit dhe përkushtimit maksimal të ekipeve tona në Electronic Arts, mund të sjellim lojëra dhe eksperienca, që ju duhen lojtarëve tanë në këto kohë kaq sfiduese.”
Apex Legends u lançua në Steam këtë javë, ku loja falas u bë menjëherë një hit. Së shpejti ajo pritet të vijë edhe në mobile. Duket se loja ka vetëm suksese para saj.
