Apex Legends ka zbuluar zyrtarisht personazhin më të ri në lojë. Jo ndonjë e papritur për lojtarët dmth, pasi ajo është Loba Andrade, hajdutja që po kërkon hakmarrje mbi Revenant. Është konfirmuar se Loba do të vijë në Sezonin e 5 të Apex Legends në datë 12 maj. Shikoni trailerin e saj në “Legacy of a Thief” më poshtë.
Historia e Loba nga videoja e Outlands nuk duhet të ngatërrohet me trailerin e karakterit, sado që fillon pikërisht aty ku përfundoi traileri i Revenant. Kjo sepse siç kanë sugjeruar dhe thashethemet, Loba është vajza e vogël që tregohet duke vajtuar vdekjen e të atit, pasi Revenant brutalisht vret familjen e saj. Një detaj interesant është që ajo vë makeup të kuq përgjatë syve, si një homazh për gjakun e babait që fshiu nga fytyra si fëmijë. Historia ska të sharë, nuk e mohojmë dot.
Në fund të “Legacy of a Thief” zbulojmë se parteri i Loba ka gjetur Revenant dhe duket se ajo është e vendosur të marrë hakun që i takon.
Së shpejti do të mësojmë edhe më shumë për Loba, ndoshta kur të publikohet një trailer i mirëfilltë për personazhin e saj. Një gjë është e sigurt, fansat janë goxha të interusar në të.