Apex Legends ka hasur disa probleme jashtëzakonisht serioze

Nëse Apex Legends ju ka ngecur te Loading Screen, pa merak sepse nuk jeni të vetmit.

Lojtarët kanë nisur të raportojnë probleme me ekranet që rrijnë në pozicionin e loading gjatë gjithë kohës, si edhe probleme me lidhjen në lojë gjatë 21 shkurtit.

Për momentin skuadra e Respawn nuk ka dhënë asnjë update publik, por raportimet nuk kanë mbetur mangut.

Serverat e lojës përgjithësisht kanë mbajtur mjaft mirë përgjatë lançimit të lojës, por me mbi 25 milion lojtarë (herën e fundit që i numëruar), ka shumë gjëra për tu menaxhuar.

EA Help ka konfirmuar në Twitter se janë duke investiguar mbi problemin në PC. Ende nuk dihet nëse ky i fundit është prezent edhe në konsola.

Lojtarët nga ana tjetër kanë shfryrë inatin në Twitter dhe janë dukshëm të pakënaqur me këtë problem. Gjithsesi mund të jemi të sigurtë që Respawn po bën maksimumin për ta kthyer Apex Legends në gjendjen fillestare.

Të tilla situata më parë nuk kanë zgjatur më shumë se pak orë, por me kaq sa është hapur situata, mund të hamendësojmë që ky problem është më i koklavitur se rastet e tjera.