Një hartë e re e Apex Legends është bërë leak

Një hartë e re e Apex Legends është bërë leak online, duke sugjeruar se Season 6 mund të ketë një surprizë të madhe për PS4, Xbox One dhe PC. Shumica e kontentit që vjen në lojën free-to-play battle royale të Respawn zbulohet përpara kohe, falë leaks që bëjnë dataminers.

Leak-u më i fundit sugjeron drejt një harte plotësisht të re që do të vijë në lojë së shpejti të quajtur “Tropic Island”. Momentalisht zero asetet të hartës janë bërë leak, që do të thotë që çdo gjë që kemi është një kod që i referohet hartës brenda fileve të lojës. Duket se ky kod u shtua pas update-it të fundit të Season 6 në lojë. Kjo do të thotë që mund të vijë së shpejti, ose mund të nënkuptojë që Respawn tani po fillon ta testojë hartën.

Është interesante pasi kjo nuk është e vetmja hartë e bërë leak për të cilën jemi në dijeni. Ka patur leaks për një hartë të quajtur “Olympus” prej disa kohësh tashmë. Këto mund edhe të jetë e njejta hartë, por gjasat për këtë janë të pakëta.

Si gjithmonë mos i merrni menjëherë për të mirëqena këto pasi është vetëm një leak. Mbetet të presim dhe të shohim nëse do të dalë gjë prej tij.