Apex Legends ja kalon Fortnite në PlayStation për 2019

Respawn Entertainment ka bërë gjënë më të papritur, duke hedhur nga froni Fortnite të Epic Games, me Apex Legends si loja më e shkarkuar në PS4 për vitin që lamë pas.

Pasi e lançuan lojën pa paralajmërim fare në shkurt të 2019s, Apex Legends e pushtoi shpejt komunitetin e gaming. Fillimisht lojtarët u dyndën në serverat e EA për të provuar dorën me lojën e re battle royale të Respawn.

Që nga ajo pikë, Apex Legends ka parë kryesisht vetëm rritje dhe së fundmi kishte muajin më të suksesshëm pas lançimit. Më pak se një vit më vonë dhe loja ka numrin më të lartë të shkarkimeve në PlayStation për 2019-n.

Me një sistem të rrjedhshëm first-person, një gamë të gjerë legjendash dhe një histori që lidhet në mënyrë perfekte me universin e Titanfall, çfarë ka për të mos dashur te Apex Legends?

Respawn gjithashtu e ka update-uar lojën shpesh gjatë vitit, për tu siguruar që lojtarët do të vazhdojnë të rikthehen. Sezoni i 3 ishte një pikë kyçe për Apex Legends. Epic Games ishte në prag të lançimit të Chapter 2 në Fortnite dhe Respawn e dinte se ç’duhet të bënte. Pasi hoqi hartën e vjetër të lojës dhe e zëvendësuan me World Edge, zhvilluesit ndërmorën një risk që ja vlejti.

Duke konsideruar se Apex Legends vijoi të kishte muajin me fitimet më të mëdha që nga lançimi, është e drejtë të themi se ishte lëvizja e duhur. Jo vetëm kaq, por Apex Legends tanimë ka rrëzuar nga froni edhe Fortnite si loja më e madhe free-to-play në Amerikën e Veriut.

Fortnite kryesoi çartet e shkarkimeve në PlayStation për vitin 2018, me battle royale-in H1Z1 si rivali i tyre më i përafërt. Edhe në frontin Europian është e njejta histori, ku Apex Legends sërish është shkarkuar më shumë se Fortnite. 

Apex Legends që merr vendin e parë eshtë edhe më mbreslënëse kur merr në konsideratë se lojtarët e Fortnite ju është dashur ta rishkarkojnë lojën kur u njoftua Chapter 2.

Në 4 shkurt, loja do të ketë përvjetorin e saj të parë, pra do të hamendësojmë se Respawn ka diçka në mendje për këtë rast.