Ishte muaji i parë më i suksesshëm ndonjëherë në historinë e lojërave free-to-play
Ishte muaji i parë më i suksesshëm ndonjëherë në historinë e lojërave free-to-play
Apex Legends nuk ishte vetëm një hit i EA, ishte gjithashtu loja me lançimin më të madh ndonjëherë për një lojë free-to-play, sipas një raporti nga Superdata. Shifra nuk është zyrtare, por nga është arritur të zbulohet nga ky studim i kompanisë, i cili përdor metodat e saj për studimin e tregut dhe sjelljeve të konsumatorëve, për të cilat mund të lexoni më shumë këtu.
Kompania llogarit se Apex Legends arriti plot $92 milionë gjatë shkurtit në të gjitha platformat, duke e bërë atë një prej 10 lojërave me më shumë fitime gjatë muajit. Shumica e parave u fituan nga Apex nëpërmjet konsolave, por fitimet e saj gjithsesi nuk ishin mjaftueshëm për t’ja kaluar Fortnite.
Interesant është fakti se Apex u kalua në konsola nga Anthem, për të cilën Superdata mendon se fitoi mbi $100 milionë në lançim, pavarësisht problemeve të saj. Ajo arriti të fitonte vendin e tretë për konsola, por nuk ishte mjaftueshëm për t’u futur në Top 10 në PC.
Pritet që shifrat gjatë marsit të jenë të ndryshme. Anthem i arriti këto shifra si një lojë premium për të cilën duhet të paguash dhe shpenzimet brenda lojës ishin shumë të pakta, vetëm $3.5 milionë në total. Apex është free-to-play, pra të gjithë fitimet e saj vijnë nëpërmjet shpenzimeve brenda lojës dhe lançimi i battle pass-it këtë muaj, pavarësisht se sa zhgënjyes mund të ishte, ka shumë mundësi ta rrisë akoma dhe më shumë këtë shifër.
Lajme të këqija ka ndërkohë për Hearthstone. Superdata thotë se loja pati rënien më të madhe të fitimeve gjatë shkurtit me 52% ndërmjet PC dhe mobile, për shkak të rritjes së konkurrencës dhe “lodhjen e lojtarëve”.