EA dëshiron ta sjelli lojën battle royale në të gjithë botën në mobile në fund të vitit
EA dëshiron ta sjelli lojën battle royale në të gjithë botën në mobile në fund të vitit
Respawn është duke punuar për të sjellë Apex Legends në platforma dhe shërbime të reja, në mënyrë që loja të luhet nga të gjithë lojtarët. Gjatë EA Play Live, mësuam se loja do të vijë së shpejti në Nintendo Switch dhe Steam. Megjithatë, zgjerimi duket se do të vazhdojë edhe në platforma të tjera, me EA që dëshiron të sjellë një version të lojës në iOS dhe Android.
CEO i EA, Andrew Wilson, foli për zhvillim e lojës në mobile gjatë një takimi investitorësh më 22 maj, ku foli për zgjerimin e lojës në mobile. Sipas tij, në fillim do të ketë një soft launch të Plant vs Zombies 3 përpara se të ketë një soft launch edhe të Apex Legends në fund të vitit.
Ky ishte një koment mjaft interesant, pasi ka patur shumë zëra në lidhje me ardhjen e Apex Legends në mobile gjatë muajve të fundit, por deri më tani nuk kemi patur asnjë konfirmim. Kjo mbledhje ishte konfirmimi i parë i planeve të EA për sjelljen e Apex në mobile.
Here it is. EA CEO talks about bringing Apex Legends to iOS & Android globally by the end of this year. Follow @ApexLatest for more exclusives.#apexlegendsmobile @EA @EAMobile @Respawn @apex_intel @TitanfallBlog @TencentGames @ZhugeEX pic.twitter.com/zIMhDEIwaH
— Apex Legends Mobile Latest Leaks (@ApexLatest) June 22, 2020
Me një version beta të Apex Legends që pritet të vijë në fund të 2020 dhe lançimin e plotë të lojës në fillim të 2021, loja tashmë do të mund të luhet zyrtarisht në të gjitha platformat. Duke parë se edhe crossplay gjithashtu po vjen në lojë, lojtarë nga të gjitha platformat do të mund të luajnë së bashku, gjë që do të rrisë edhe më shumë interesin për lojën.