Apex Legends do të bëjë ban lojtarët që fitojnë në kurriz të tjetrit

Respawn bëhet gjithmonë e më strikt.

Zhvilluesi i Apex Legends, Respawn Entertainment ka detajuar disa nga ndryshimet që do të vijnë me update-in e rradhës së lojës, përfshirë këtu masat anti-piggyback.

Në kontekstin e shooter-ave si Apex Legends, piggyback është një term që i referohet lojtarëve që nuk japin perdormancën më mbreslënëse në lojë, por që thjesht mbledhin XP dhe shpërblime nga puna e shokëve të skuadrës.

Sipas Respawn këta lojtarë do të përballen me dëbime të përkohshme nga loja nëse do të shfaqin sjellie piggyback. Në raste ekstreme këto masa mund të jete edhe të përhershme.

Sigurisht që kjo deklaratë e Respawn ka shkaktuar shumë kontradita, pasi shumë prej lojtarëve që përfundojnë duke patur një sjellie të tillë, janë duke e bërë pa qëllim. Mund të ndodhë që dikush nuk është shumë i mirë në multiplayer shooters dhe skuadra është ajo që do i vijë në ndihmë. Të gjithë i qëndrojnë idesë që duhet të ketë një zgjidhje ndryshe për këtë lloj problemi.

Një datë lançimi për update-in e rradhës nuk është caktuar ende, por mund të presim që të vijë së shpejti. Apex Legends është e disponueshme për PC, Xbox One, PS4 dhe së shpejti edhe për mobile.