Respawn Entertainment ka lënë të kuptohet se ka plane të mëdha për battle royale-in Apex Legends, duke sugjeruar që ne “ndoshta do të shohim që shooter-i të bëhet më shumë sesa thjesht një lojë Battle Royale”.
“Tani për tani ne jemi një lojë Battle Royale”, tha drejtori i lojës së Apex Legends, Chad Grenier për Eurogamer. “Unë mendoj se nëse shikoni të ardhmen, ne kemi shumë biseda, të cilat aludojnë se a duhet të zgjerohemi përtej battle royale-it? Ne kemi këtë listë legjendash që njerëzit duan, si tjetër mund t’i përdorim ato?
“Unë mendoj se duke shikuar të ardhmen, ju me siguri do të shihni që loja bëhet më shumë sesa thjesht një lojë Battle Royale. E shihni që i kemi të gjitha këto dhe mode-e të ndryshme për të luajtur. Mendoj se kjo është një pikënisje e shkëlqyeshme.”
Në të njëjtën intervistë, Grenier gjithashtu konfirmoi se harta e tretë e shooter-it u krijua fillimisht si një koncept për zhvillimin ende i pa konfirmuar, Titanfall 3.
“Në një moment, ishte një Titanfall 3 në punë pasi filluam Titanfall 2,” tha Grenier. “Dhe Olympus nuk quhej Olympus në atë kohë, por ai stil i hartës ishte diçka që ne ishim duke e eksploruar për lojën e ardhshme Titanfall.”