BioWare nuk do të sjellë më patch-e të vogla për të ndryshuar qasjen ndaj lojës
BioWare nuk do të sjellë më patch-e të vogla për të ndryshuar qasjen ndaj lojës
BioWare, zhvilluesit e Anthem, do të ndalojnë sjelljen e update-ve të shpeshta dhe expansions për t’u fokusuar në një ridizajn më largpamës, sipas një postimi nga menaxheri gjeneral i studios, Casey Hudson. Loja ka më pak se një vit që është lançuar, por duket se BioWare pranon që shooter-i i tyre ka qënë një dështim total.
Ne mendojmë se ka ende probleme themelore të cilat duhet të zgjidhen për të sjellë Anthem në potencialin e plotë, të cilat duan më shumë se një update ose expansion për t'u rregulluar. Gjatë muajve të ardhshëm do të fokusohemi në një ridizenjim më të gjërë të eksperiencës, specifikisht duke punuar për të rikrijuar gameplay-n e lojës dhe duke sjellë qëllime të qarta, sfida motivuese dhe progresion me shpërblime që ja vlejnë, por duke ruajtur argëtimin që sjell fluturimi dhe luftimi në një mjedis fantastiko-shkencor.
BioWare thotë se, për ta arritur këtë, duhet t’i japë një ekipi të dedikuar kohën dhe burimet e nevojshme për të testuar këto ndryshime. Ata thonë gjithashtu se loja do të vazhdojë në të njëjtën gjendje si tani, por nuk do të ketë më sezone ndërkohë që ekipi punon për të ardhmen e Anthem.
Kjo nuk është hera e parë që një lojë e shumëpritur të ndryshohet totalisht pas lançimit. Final Fantasy XIV dhe No Man’s Sky janë dy prej shëmbujve më të njohur, pasi të dyja lojërat u ndryshuan totalisht gjatë viteve dhe tani ato janë një përmirësim i dukshëm nga versioni i tyre gjatë lançimit. Seria Destiny, konkurrenti më direkt i Anthem në treg, është ndryshuar thuajse çdo 2 vite që prej lançimit në 2014, me expansion-e të mëdha në vjeshtë që kanë ndryshuar lojën.
Anthem ka ende një rrugë të gjatë dhe të vështirë përpara. Loja tashmë ka shumë më pak lojtarë sesa kur u lançua dhe ka mbetur mbrapa me update-t sezonale. BioWare madje thotë se expansions si The Taken King ose Forsaken në Destiny nuk mund t’i rregullojnë problemet e lojës, prandaj duhet një update i ngjashëm me A Realm Reborn si në FFXIV.
Pavarësisht rrugës që do të ndjekë BioWare, duket se ata ende nuk kanë hequr dorë nga Anthem. Loja ka grafika fantastike, botë përfshirëse dhe një koncept mjaft tërheqës për mijëra lojtarë. Duhet thjesht që gameplay të jetë më interesant për lojtarët që ata të qëndrojnë më gjatë.