BioWare ishte një nga kompanitë që morën pjesë në PAX West, me panelet e veta kushtuar Anthem. Ndër të tjera, kompania e mirënjohur prezantoi një trailer të ri dhe një sërë screenshots, dhe zbuloi datën e lëshimit për demo-n e saj të lojës së shumëpritur.
Fillimisht, demo-ja do të jetë në dispozicion nga 1 shkurt 2019 për PS4, Xbox One dhe PC, por mund ta luajnë vetëm ata që kanë bërë ‘pre-order’-in e lojës dhe ata që janë abonentë, qoftë në EA Access ose Origin Access Premier. Deri atëherë do të shohim edhe disa periudha prove (Alpha dhe Betas), për të cilat do të mësojmë më shumë kur të vijë koha e tyre.
Më pas BioWare zbuloi një trailer të ri të lojës, me vëmendje të veçantë në historinë e lojës dhe disa screenshots, të cilat ju mund të shihni më sipër.
Anthem do të lëshohet më 22 shkurt për PS4, Xbox One dhe PC.
