Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
BioWare shprehet se vonesat vijnë si pasojë e prioriteteve të tjera që kanë ndaj Anthem.
Lojtarët e Anthem u prezantuan me një update të ri kohët e fundit që solli shumë zgjidhje për një mal bugs-ash në lojë. Gjithsesi BioWare jo vetëm që lançoi një update të ri, por gjithashtu zbuloi planet e tij për lojën në 90 ditët e ardhshme. Fatkeqësisht disa nga veçoritë kyçe të saj, përfshirë këtu eventin Cataclysm, do të vijnë shumë vonë. Lajmi i mirë në këtë mes është se kjo mund të jetë një shenjë që zhvilluesit janë duke u përqendruar realisht në ndreqien e problemeve aktuale në lojë.
BioWare iu drejtua Reddit për të shprehur planet e të ardhmes, duke thënë tekstualisht: “Kemi mësuar shumë gjëra që kur e lançuam lojën. E kemi dëgjuar feedback-un tuaj dhe kemi punuar në një mënyrë më vigjilente për të përmirësuar sa më shumë gjëra në një periudhë sa më afatshkurtër. Kemi rregulluar shumë bugs-a dhe kemi bërë disa ndryshime që besojmë se do na çojnë në drejtimin e duhur të të ardhmes së Anthem. Për ta përmbyllur, jemi të vetëdijshëm që kemi një rrugë të gjatë para, për ta bërë Anthem loja që ne duam të jetë.”
Më pas vazhdojnë të shpjegojnë që jo çdo gjë do të vijë në kohë, sepse do të fokusohen ne rregullimin e bugs-ave, vënien e stabilitetit dhe prioritete të tjera në listën e tyre.
“Kemi vënë kohë mënjanë për këtë punë, por realiteti është që ka më shumë gjëra për tu rregulluar nga ç’e kishim planifikuar. Kjo do të thotë që disa tipare do të shtyhen për më vonë.”
Kur thotë disa tipare do të shtyhen për më vonë e ka fjalën për:
- Mastery System
- Guilds
- Legendary Missions – Phase II
- Weekly Stronghold Challenge
- Leaderboards
- Some Freeplay Events
- Cataclysm
Zhvilluesit gjithashtu përmendën se si loot-i i endgame-it duhet përmirësuar dhe se do të ndajnë më shumë informacione rreth progresit të tyre në momentin që ai do të jetë i disponueshëm.
“Një mësim që kemi marrë së fundmi është që nuk duhet të flasim për gjërat para kohe. Ka kaq shumë faktorë që mund të çojnë në devijimin e planeve tona, sa që është më mirë t’iu informojmë kur puna të jetë vërtet pranë mbarimit.”
Anthem momentalisht është i disponueshëm në PS4, Xbox One dhe PC. E gjithë loja është klasifikuar nga shumë njerëz si e pandreqshme, por ka disa që ende mbajnë shpresa mbi të. Zhgënjimi që EA dhe BioWare kanë përcjellë te fansat e lojës ka qenë i pamasë. Ia u kanë realisht për borxh përdoruesve të lojës dhe njerëzve që kanë besuar te ta, që në stadet e hershme të zhvillimit ta ndreqin Anthem. Le të shpresojmë dhe ne pra për më të mirën e gjithë kësaj situate.
