Trailerat e filmave dhe videolojërave me një kolonë zanore të një kënge popi u shtuan kaq shumë për një periudhë kohore, sa deri diku u bë pak bajatë, por përdorimi i kësaj strategjie këtë rradhë na ka lënë me mbresa të mira. Po i referohemi trailerit të lançimit të Anthem, i cili sjell në sfond të tij një miksim të Crazy Train nga Ozzy Osbourne.
Traileri vjen me të gjitha heroizmat karakteristike që mund të prisje nga një miksim i fantastiko-shkencores me aksionin. Ju do të shpëtoni tokën, do të jeni heronjtë e historisë dhe do të kryeni disa shpërthime fantastike. Kjo me datë 22 kur Anthem të vijë zyrtarisht në treg.
Gjithsesi kryevepra e këtij traileri është adaptimi i solos së Crazy Train në sfond. Është thjesht fantastike dhe përzgjedhja e një kënge rock në një situatë të tillë është vërtetë për tu vlerësuar.
Shikoni më poshtë trailerin, por edhe versionin origjinal të këngës. Nuk do të bëheni pishman.