Pre-orders në Steam megjithatë ende do të respektohen
Pre-orders në Steam megjithatë ende do të respektohen
Loja real-time strategy (RTS) e Ubisoft, Anno 1800 është loja më e fundit e cila lë pas Steam dhe hedh sytë nga Epic Games Store. Ndryshe nga lojërat e shumta të cilat u bënë ekskluzive për Epic Games Store gjatë GDC 2019, Anno 1800 kishte disa kohë që mund të bëhej pre-order në Steam, por nuk ka asgjë për t’u shqetësuar, nëse e keni blerë kopjen tuaj në Steam, do të keni mundësi t’a luani atë aty. Në fakt, deri në ditën e lançimit në mes të prillit, ju mund t’a bëni ende lojën pre-order në Steam, pra nëse doni t’a luani atë nëpërmjet platformës së Valve, duhet të nxitoni.
Ubisoft komentoi mbi situatën, duke thënë se: “Pas lançimit të suksesshëm të The Division 2 në PC në Ubisoft Store dhe Epic Games Store, ne po lajmërojmë sot se po bashkëpunojmë me Epic Games edhe për Anno 1800. Lojtarët tani mund të bëjnë pre-order versionet Deluxe dhe Standard të Anno 1800 në PC në Epic Games Store. Pasi loja të lançohet më 16 prill, Anno 1800 do të jetë në dispozicion vetëm në Ubisoft dhe Epic Games Store. Pre-orders në Steam mund të bëhen deri në lançimin e lojës. Kushdo që bën pre-order Anno 1800 në Steam do të jetë në gjendje të luajë lojën pas lançimit dhe automatikisht do të marrë të gjitha update-t dhe përmbajtjen e ardhshme në lojë.”
Edhe pse fakti që një tjetër lojë niset drejt Epic Games Store tashmë nuk është një lajm i madh, është interesant fakti që ky ndryshim ka ndodhur kaq pranë lançimit. Steve Allison, shefi i Epic Games Store, pranoi se nuk do të dëshironte një situatë të ngjashme me atë çka ndodhi me Metro Exodus, kur loja e bëri këtë ndryshim shumë pranë lançimit.
Anno 1800 do të lançohet në PC në 16 prill. Një open beta do të jetë e hapur për këdo ekskluzivisht në Epic Games Store nga 12-14 prill.