Android 14 tashmë ka një emër të ri

Edhe pse Google është akoma duke punuar me Android 13 i cili do të vijë gjatë fundit të këtij viti, një emër i ri për version tjetër të Android është zbuluar duke na surprizuar.

Për të gjithë ju që nuk e dini, momentalisht Google është duke zhvilluar dhe përmirësuar Android 13 i cili do të lançohet gjatë fundit të këtij viti. Dhe gjithashtu Google ka një traditë që çdo versioni Android t’i japë një emër ëmbëlsire. Por çuditërisht emri i versionit 14 të Android është zbuluar duke na sjellë goxha pyetje.

Sipas informacioneve që kemi nga forumi XDA-Developers, emri i ri Android 14 do të jetë Upside Down Cake. Një emër i ri dhe i çuditshëm që ndoshta nuk e keni dëgjuar më përpara por i cili në fakt është një tortë e vërtetë.

Por zbulimi i emrit të Android 14 nuk do të thotë se ky version është në zhvillim. Google ka akoma një punë të madhe me Android 13 dhe për të cilin ju mund të aplikoni dhe të provoni versionin beta.