Among Us nuk është më aq në qendër të vëmendjes sa ishte para pak muajsh, por loja ende është ndër më të luajturat në Steam. Zhvilluesit nuk kanë patur shumë gjëra për të thënë që pas zbulimit fillestar të hartës dhe versionit të saj për Switch. Tani në blogun e tyre ata kanë postuar se pse çdo gjë po vonohet kaq shumë?
“Among Us tërhoqi shumë njerëz në fundin e 2020 që ne nuk po i prisnim. Kjo solli shumë ndryshime për ne,” ka thënë zhvilluesi Innersloth. “Jo për tu thelluar shumë në organizimin e gjërave, por jo vetëm që ju kthyem punës me Among Us pasi e kishim mbyllur, por gjithashtu duhet të stabilizoheshim me këtë ritëm pune.”
Studioja shpenzoi dy muaj në ristrukturimin e punës për të menaxhuar suksesin e beftë që ajo kishte. Sado që kjo nënkuptonte një shkëputje të lehtë nga loja, do e bëjë më të lehtë për zhvilluesit që të punojnë me një roadmap. Ata do i shpjegojnë së shpejti planet e tyre të detajuara për 2021.