Për muajin e dytë rresht, Among Us qëndroi sërish si një nga lojërat mobile më të shkarkuara në mbarë botën. Kjo sipas statistikave nga kompania Sensor Tower.
Loja është shkarkuar rreth 74.8 milionë herë në tetor. India kishte 15% të këtyre shkarimeve dhe SHBA kishte 11.6%. Loja kryesoi listat e downloads në të dyja platformat, Google Play Store dhe Apple Store.
Lojëra të tjera brenda top pesëçes përfshijnë Subway Surfares, Join Clash 3D, Garena Free Fire dhe Genshin Impact. Kjo e fundit ja doli të vinte deri në vend të pestë, vetëm brenda muajit të parë të lançimit.
Një raportim i mëparëshëm nga Sensor Tower kishte vënë në dukje se Genshin Impact ishte loja me fitimet më të mëdha në mobile në tetor, duke fituar rreth $239 milionë të ardhura.
Sado që Among Us kishte një muaj mjaft të mirë, numri i shkarkimeve të lojës ka rënë që nga shtatori.