Dikush ka bërë të mundur që “të luash” Among Us në Nintendo Wii

Dikush ka bërë të mundur që “të luash” Among Us në Nintendo Wii

Kemi parë që shumë lojëra të ndryshme të luhen nëpër pajisje ose aplikacione të ndryshme duke filluar që prej luajtja e Doom nëpër makinave llogaritëse dhe deri tek luajtja e Skyrim nëpër tastiera. Dhe më e fundit është luajtja e Among Us në konsolen e gjeneratës së kaluar, Nintendo Wii.

Që prej lançimit të lojës, Among Us mund luhej në PC ose pajisjet mobile dhe së fundmi edhe në Nintendo Switch. Nëpërmjet një postimi në Reddit kemi zbuluar se një fans i Among Us ka arritur të bëjë të mundur që Among Us të luhet në Nintendo Wii por me një problem “të vogël”.

Përdoruesi i Reddit arriti ta bëjë ketë gjë duke lidhur PC dhe Nintendo Wii me routerin e interneti dhe duke përdorur WiiVNC dhe TightVNC Server për të bërë stream Among Us nga PC tek Wii. Por kjo gjë bëri që performanca të mos jetë në nivelin e duhur duke e bërë lojën të paluajtshme. Ai shpjegon se e bëri ketë gjë vetëm për të demonstruar se loja mund të luhej deri diku edhe në konsolen e vjetër të Nintendo.