Among Us kryeson përsëri por me një problem
Among Us kryeson përsëri por me një problem
Ndoshta së fundmi popullariteti i Among Us ka filluar të ulet por kjo gjë nuk e ndaluar të jetë loja mobile më e shkarkuar e muajit dhjetor. Sipas një raporti nga kompania Sensor Tower, Among Us është përsëri loja më e shkarkuar në pajisjet mobile për të katërtin muaj radhazi.
Gjatë dhjetor të 2020, loja ishte shkarkuar afërsisht 41.2 milion herë dhe nëse e krahasojmë me muajin nëntor loja ka patur 22.5% më pak shkarkime. Në vend të parë ndodhet SHBA e cila kishte afërsisht 17.5% të shkarkimeve dhe në vend të dytë Brazili me afërsisht 9.3%.
Për sa i përket lojërave të tjera, Call of Duty: Mobile pati një muaj “të frikshëm” me 16.6 milion. 58.2% e këtyre shkarkimeve kanë ardhur nga Kina në të cilën loja u lançuar gjatë muajit dhjetor. Kurse loja mobile më e fundit nga Riot Games, League of Legends: Wild Rift e cila kaloi në open-beta së fundmi në shumë shtete, pati një sukses të madh gjatë kësaj kohe.
Free Fire vazhdon akoma të ketë sukses të madh. Bashkëpunimi me futbollistin Cristiano Ronaldo gjatë muajit të kaluar solli një personazh të ri në lojë të inspiruar nga futbollisti bëri që numri i shkarkimeve për Free Fire të rritej ndjeshëm.