Fenomeni që është Among Us vazhdon të vendosë rekorde të reja për veten e saj. Fundjavën që lamë pas loja arriti 3.8 milionë lojtarë që e luanin njëheresh. Kjo sipas njërit prej zhvilluesve të Innersloth.
Ja vlen të përmendim se ky numër përfshin lojtarët në mobile dhe ata në Steam dhe se loja është free-to-play në mobile. Por kjo nuk ja ul aspak meritat.
Mobile and PC combined had 3.8M concurrent last weekend. Not downloads (>100M), not daily active (>60M).
— Forest (@forte_bass) September 28, 2020
Ekipi me tre veta nga Redmond, Washington e lançoi Among Us në 2018n. Gjatë kësaj vere loja kapi nivele të paparashikueshme të popullaritetit. Kjo kryesisht sepse është luajtur nga streamers dhe content creators të emrave të mëdhenj si: Sodapoppin, xQc, Lirik etj.
Forest Williard, programmer në Innersloth, gjithashtu zbuloi se loja së fundmi kaloi 60 milionë përdorues aktivë ditorë dhe 100 milionë downloads, me shumicën e tyre që kishin ardhur nga iOS dhe Android.
Innersloth së fundmi njoftoi që kishte anulluar planet për vazhdimin e Among Us, duke thënë se do të fokusohen në zgjerimin e lojës së parë.