AMD Radeon RX 5500 do të jetë 22% më e shpejtë se RX 480
AMD Radeon RX 5500 do të jetë 22% më e shpejtë se RX 480
Pas shumë spekulimesh, AMD më në fund ka zbuluar serinë e re të GPU-ve Radeon RX 5500. Kjo gjeneratë e re kartash Navi do të zëvendësojë plotësisht kartat Polaris në treg, si në çmim por edhe në performancë. AMD premton frame rate që do të kalojnë lehtësisht RX 480 dhe njëherësh dhe RX 580, si dhe gjithashtu të jenë shumë më të forta se Nvidia GTX 1650.
Edhe pas këtij zbulimi nga AMD, ende nuk jemi të sigurt për detajet e serisë së re Navi. Për shembull, nuk e dimë se cila është data e lançimit të GPU-ve të reja dhe se cilat karta do të jenë pjesë e serisë RX 5500.
Dimë se Gigabyte ka regjistruar kartat RX 5500 XT si dhe RX 5500 në shitje, prandaj pritet të ketë të paktën dy modele të kësaj GPU në shitje. AMD thotë se RX 5500 do të lançohet vetëm nëpërmjet partnerëve, pra nuk do të ketë karta reference dhe se kartat do të kenë specifika të ndryshme duke nisur nga dita e parë. Megjithatë, edhe disa prodhues GPU nuk dinë shumë për kartat.
Edhe pse nuk dimë detajet përfundimtare të kartave, dimë shumë për procesorin brenda tyre. GPU-ja 158mm2 7nm, Navi 14, ka 24 compute units dhe 1,536 RDNA cores. Megjithatë, AMD thotë se RX 5500 do të ketë vetëm 22 CU, edhe pse fotot tregojnë qartë 12 work group processors.
Për të pasur një kartë me 22 CU, procesorët brenda saj duhet të kenë një pamje shumë të çuditshme asimetrike me 11 work group processors. Mund të themi pra se AMD do të lançojë RX 5500 XT me 24 CU dhe 1,536 RDNA cores, së bashku me RX 5500 me 22 CU dhe 1,408 RDNA cores. Më poshtë keni detajet e plota të parametrave të të dyja këtyre GPU-ve.
| RX 5500 | RX 5500 XT | |
| GPU | Navi 14 | Navi 14 |
| Lithography | 7nm | 7nm |
| Compute Units | 22 | 24 |
| RDNA Cores | 1,408 | 1,536 |
| GPU clock maksimal | 1,845MHz | 1,900MHz |
| Memorie | deri në 8GB GDDR6 | deri në 8GB GDDR6 |
| Ndërfaqe memorie | 128-bit | 128-bit |
| Tranzistorë | 6.4bn | 6.4bn |
| Die size | 158mm2 | 158mm2 |
Në lidhje me performancën, AMD premton një rritje shumë të madhe në krahasim me RX 480. Përdorimi i RX 480 në krahasim në fakt është pak i çuditshëm, duke marrë parasysh se karta nuk ndryshon shumë në krahasim me RX 580. Përballë Nvidia, RX 5500 premton rreth 37% perfromancë më shumë në gaming sesa GTX 1650 në 1080p.
Krahasimet bëhen vërtet interesante kur merr parasysh çmimin e këtyre dy GPU-ve. GTX 1650 kushton $150, ndërsa RX 480 kushtonte $250. Kjo do të thotë se çmimi i RX 5500 pritet të jetë midis çmimeve të këtyre dy kartave dhe se me shumë mundësi Nvidia do të presë zbulimin e çmimit të GPU-së së re përpara se të lançojë GTX 1650 Super dhe GTX 1660 Super.
Prisni shumë lajmërime, data lançimi dhe ndryshime çmimesh përpara lançimit të të dyja këtyre kartave grafike.