Kjo është gjithçka dimë për AMD Ryzen Threadripper 3990X

CPU-ja më e re e AMD ka disa parametra fantastikë

Komuniteti teknologjik ka debatuar për një kohë të gjatë se cila kompani është zgjedhja më e mirë për procesorin tuaj, AMD apo Intel. Megjithatë, me zbulimin në CES 2020 të AMD Ryzen Threadripper 3990X, procesorit të parë me 64-core për konsumatorët e zakonshëm, duket se nuk ka më vend për debat.

Kur flet për një procesor 64-core, zakonisht të shkon mendja tek CPU që përdoren në servera dhe qëndra të ruajtjes së të dhënave dhe nuk është shumë e zakontë që një CPU kaq e fuqishme të vijë në shtëpitë e kujtdo. Ajo padyshim që do të jetë fantastike për content creators sipas CEO të AMD, Dr. Lisa Su. Siaps saj, ata do të kenë mundësi të bëjnë stream, render dhe të upload-ojnë video më shpejtë se kurrë më parë.

Këto janë parametrat kryesorë të AMD Ryzen Threadripper 3990X:

• 64 CPU cores
• 128 threads
• 2.9GHz base clock
• Deri në 4.3GHz max boost clock
• 256MB total L3 cache
• 32MB total L2 cache
• 4MB total L1 cache

64 cores dhe 128 threads e bëjnë shumë të shpejtë renderimin e mediave të ndryshme. Nëse keni shumë programe të hapura njëherësh, 88 lane-t totale PCIe 4.0 do t’ju ndihmojnë të arrini kërkesat e larta të GPU-së dhe memories tuaj. Cache L1, L2 dhe L3 do t’ju ndihmojnë të aksesoni shpejtë databaza të mëdha të dhënash.

3990X vjen unlocked, gjë që ju jep juve mundësi ta bëni overclock. Kjo CPU ka thyer rekorde, edhe pse ka vetëm pak kohë që është lançuar. Një overclocker madje arriti t’i çojë të 64 core-t e kësaj CPU-je në 5.5GHz.

AMD Ryzen Threadripper 3990X u lançua në 7 shkurt dhe kushton $3990.