GPU-ja e re AMD Radeon VII mund të konkurrojnë drejtpërsëdrejti me Nvidia RTX 2080
GPU-ja e re AMD Radeon VII mund të konkurrojnë drejtpërsëdrejti me Nvidia RTX 2080
Në konferencën e parë te AMD në CES, CEO e AMD Lisa Su ka prezantuar AMD Radeon VII: GPU-ja e parë për gaming ne botë 7nm. Për shkak të këtij proçesi prodhimi, kjo GPU mund të jetë deri në 25% më e shpejtë se paraardhëset e saj, duke përdorur të njëjtën fuqi elektrike.
Pas shumë kohësh, më në fund AMD hedh në treg një GPU të projektuar për performancën më të lartë. Duket qartë një rritje tepër e lartë në performancë krahasuar me Vega 64 dhe 56, të cilat nuk arritën t’i bënin ballë konkurrencës së gjeneratës së re RTX të Nvidia. Me 60 njesi proçesimi me clock speed deri në 1.8 GHz si dhe 16GB memorie me një bandwidth prej 1TB/sec, Radeon VII sjell përmirësime të dukshme në performancë krahasuar me gjeneratën paraardhëse, si në lojra, ashtu edhe në rendering, me përmirësime deri në 30% ne Adobe Premiere Pro, 27% në Shader dhe 62% në OpenCL. Duket se Radeon VII do të jetë konkurrenti perfekt për RTX 2080.
Gjatë konferencës, u theksua dukshëm performanca e Radeon VII në gaming. Kjo GPU është projektuar për të performuar në 4K gaming. AMD zgjodhi të demonstrojë performancën e Radeon VII në lojra si Battlefield V dhe Far Cry 5, ku rezultatet tregonin një përmirësim prej 1fps në krahasim me RTX 2080. Në lojra me bazë Vulkan si Strange Brigade, Radeon VII kishte performancë deri në 20% më të lartë se RTX 2080 në 4K ultra settings.
Si një GPU me performancë të lartë, gamers-at dhe jo vetëm duhet të jenë të gatshëm të paguajnë një çmim të lartë. Për të konkurruar me Nvidia RTX 2080, e cila kushton plot $800, Radeon VII do të kushtojë $700. Ajo do të hidhet në treg në 7 shkurt. Së bashku me kartën, çdo blerës do të marrë Devil May Cry 5, Resident Evil 2 dhe The Division 2 si bonus për një kohë të limituar.