AMD njoftoi sot se karta grafike AMD RX 6700 XT do të dali në treg më 18 Mars, duke u ofruar gamers-ave një version tjetër të RDNA 2. Me një çmim fillestar prej $479, RX 6700 XT do të jetë karta grafike e serisë RDNA 2 më e lirë dhe pa dyshim më e popullarizuara dhe që do të ketë konkurrencë me serinë RTX 30 të Nvidia.
AMD RX 6700 XT do të jetë pjesë e GPU Navi 22, që është pak më ndryshe nga GPU Navi 21 e cila është pjesë e RX 6900 XT, RX 6800 XT dhe RX 6800. Kjo do të vijë me 40 compute units të aktivizuara për një total prej 2,560 core-ësh dhe një shpejtësi prej 2,424MHz.
Sa i përket VRAM, RX 6700 XT përmban 12 GB GDDR6, në të njëjtin nivel me RTX 3060 12 GB, i cili është relativisht i ri ne treg, por që është një përmirësim për 8GB GDDR6, gjetur në RTX 3060 Ti dhe RTX 3070. Deri më tani s’kemi parë një VRAM buffer të konsiderueshëm që të ofrojë një efekt befasues mbi performancën e lojrave, por besojmë se do të jetë pjesë e saj.
Nga ana e performancës së përgjithshme, AMD po thotë që RX 6700 XT do të ketë të njëjtën performancë me RTX 3070 dhe do tejkalojë RTX 3060 Ti, megjithëse herë pas here del më e dobët se ato të dyja, sipas disa testimeve të kryera në Watch Dogs: Legion. Por do të na duhet të na duhet të presim për të parë performancën e saktë të kësaj karte grafike.