Sipas raportimeve, Amazon është duke punuar me një platformë të re streaming për videolojëra. Kompania tashmë ka një segment të saj të quajtur Amazon Game Studios, por duket se së shpejti ky do të zgjerohet me një platformë cloud gaming të ngjashme me Google Stadia ose Project xCloud të Microsoft.
Mendohet se kompania tashmë ka punësuar shumë ish punonjës të stafit të Microsoft për këtë iniciativë, me më shumë plane të tjera të shtruara për të ardhmen. Kjo “iniciativë e re” do të qëndrojë në skuadrën Web Sevices të Amazon, por gjithashtu do të integrohet në sektore të tjera të saj, si Twitch. Mendohet se platforma në fjalë do të lançohet në 2020ën.
Krahas Twitch, eksperiencat e Amazon me gaming nuk kanë qenë gjithmonë të suksesshme. Projekte si The Grand Tour Game kanë hasur vështirësi në të lënit të një impakti dhe ky segment i caktuar i kompanisë edhe ka patur shkurtime të stafit këtë vit.
Një shërbim streaming mund të jetë një mënyrë që Amazon të çajë në tregun e gaming, por as Google Stadia nuk ka patur një lançim të suksesshëm, me review të miksuara, raportime për porosi të vonuara dhe disa veçori të premtuara që i mungonin në lançim.
Project xCloud i Microsoft që është momentalisht në beta, me shumë gjasa do të jetë shërbimi i rradhës që do të lançohet. PlayStation Now e Sony, ka qenë e disponueshme që në 2014n dhe mendohet që edhe Valve ka në plan të sjellë një shërbim streaming për Steam.
Se ku do shkojnë të gjithë me nga një shërbim streaming për lojëra nuk e dimë, por mbetet të presim dhe të shohim.