Por nga ana tjetër është mjaft më i shkurtër se sezoni i kaluar
Por nga ana tjetër është mjaft më i shkurtër se sezoni i kaluar
Sezoni i dytë, i cili dukej sikur nuk do të vinte për pak kohë, pasi mbaroi i pari, është live tani me një sasi të mirë të kastit që rikthehet, por me një aktor kryesor krejt të ri. Anthony Mackie është duke marrë përsipër rolin e Takeshi Kovacs, përpara se ai të drejtohet për Disney Plus për të luajtur në Falcon and the Winter Soldier këtë vjeshtë.
Një gjë që fansat e Altered Carbon do ta vërejnë kur të futen për herë të parë në Netflix, është se Season 2 është më i shkurtër se sezoni i parë, që është përgjithësisht e kundërta e asaj që shihni kur serialet vazhdojnë përtej një sezoni. Ose nëse një shfaqje merr sezone më të shkurtër, ajo vjen me episode më të gjatë si xhirimi i fundit i Game of Thrones. Por as kjo e fundit nuk aplikohet në ekskluzivitetin e Netflix.
Sezoni i parë i Altered Carbon ishte 10 episode, por sezoni i dytë është shkurtuar në 8. Përveç kësaj, shumica e episodeve të sezonit 1 kalonin pak më shumë se një orë (një ishte madje 67 minuta), dhe vetëm dy episode nga 10 ishin nën 50 minuta. Në Season 2, katër nga 8 episodët janë nën 50 minuta, ku episodi më i shkurtër është i gjashti në vetëm 43 minuta.
Është sigurisht e mundur që në përshtatjen e skenarit të ri të Kovacs nga librat për këtë sezon, i dyti thjesht mund të ishte më i shkurtër. Megjithëse unë mendoj se një pjesë e “marrëveshjes” për të sjellë sezonin e dytë do të ishte që buxheti duhej të binte, dhe kjo do të thotë më pak episode dhe episode më të shkurtra në përgjithësi. Nëse e keni parë Season 1 të Altered Carbon, ju e dini që është shumë stil Blade Runner 2049 në formë seriali, dhe një shfaqje sigurisht e shtrenjtë për tu realizuar. Nuk ka asnjë shifër të konfirmuar për sa ka kushtuar sezoni i parë i Altered Carbon, por një shifër e përfolur prej 150 milion dollarësh është zbuluar. Por 70, 80 milion dollarë? Unë nuk do të befasohesha, duke pasur parasysh vlerën e prodhimit.
Altered Carbon ishte një nga serialet origjinale të mia të preferuara nga Netflix deri më tani, kështu që unë jam i entuziazmuar të zhytem në sezonin e dytë, pasi nuk kam pasur shumë informacion më parë për të. Dhe tani unë mund të shoh se do më duhet më pak kohë për ta parë sesa të parin.
Netflix rrallë lejon që seritë të vazhdojnë përtej dy sezoneve, vetëm nëse përfundojnë të jenë fenomene të mëdha kulturore, dhe aq sa më pëlqen Altered Carbon, nuk jam i sigurt që ky serial i përmbush kriteret, plus që ka një çmim të shtrenjtë për tu zhvilluar si projekt. Pra, këto episode mund të jenë të fundit që mund të shohim nga Altered Carbon. Por definitivisht jepini një shans, dhe na shkruani në seksionin e komenteve për të na treguar më shumë.