‘Laptopi më i fuqishëm në botë’ i jep mundësinë përdoruesit të tij që, ndër të tjera, të ndryshojë CPU dhe GPU.
‘Laptopi më i fuqishëm në botë’ i jep mundësinë përdoruesit të tij që, ndër të tjera, të ndryshojë CPU dhe GPU.
Alienware morri përsipër detyrën e “rregullimit” të laptopëve gaming, edhe pse ata nuk kanë ndonjë problem madhor – janë më të hollë, më të lehtë dhe më të fuqishëm se kurrë. Ndërkohë që desktop-ët sa vijnë dhe bëhen më bombastikë e të fuqishem, laptopët gaming janë duke u fokusuar më shumë në pjesën e “laptopit” sesa atë të “gaming“. Për t’a ndryshuar këtë, Alienware zbuloi në CES 2019 laptopin e tij të ri, Area-51m, të cilin e quajtën ‘laptopin më të fuqishëm në botë’.
Area-51m sjell në industrinë gaming një epokë të re, si për prodhuesit ashtu edhe për botën e gaming në PC. Njëkohësisht, ai jep zgjidhje për dy probleme të rendësishme. I pari është ai që permendej më sipër: është një laptop i ndërtuar tërësisht rreth gaming. I dyti është një problem i përgjithshëm i laptopëve gaming: ndryshe nga desktop, ata nuk mund të përmirësohen me pjesët më të fundit. Kështu, do të vijë një kohë kur laptopi yt gaming nuk do të mund të përballojë lojërat e reja dhe ti je i detyruar të blesh një të ri.
Duke u “frymëzuar” nga desktop tradicionalë, Alienware Area-51m i jep fare mirë zgjidhje këtij problemi. Në fakt, në thelbin e tij, ai është një desktop i mirëfilltë, duke përdorur madje dhe proçesorë Intel të dizenjuar për PC, vetëm se ka të integruar një bateri, ekran dhe tastierë. Ajo çfarë e bën unik këtë laptop është aftësia për të ndryshuar jo vetëm RAM-in, memorien apo baterinë e tij, por edhe CPU dhe GPU.
Për gamers, Area-51m ofron shumë mundësi dhe performancë, duke suportuar proçesorët më të shpejtë të gjeneratës së 9 nga Intel si i7-8700, i7-9700K ose i9-9900K, por edhe karta grafike deri në nivelin e Nvidia GeForce RTX 2080. Ndër të tjera, ai vjen me një ekran 17.3″ 1080p, i cili në varësi të preferencave të blerësit mund të vijë me një panel te thjeshtë 60Hz, por ka edhe opsione deri në një panel 144Hz me suport të plotë për G-Sync. Ai ofron gjithashtu 2 vende të lira për PCIe M.2 SSD si dhe mundësi për HDD të thjeshta. Mund të suportojë deri në 64GB RAM me shpejtësi 2400MHz. Ndër portat që ai ofron, përvec 2 portave të karikuesit (po, do të ketë 2 karikues: një karikues më portativ 180W si dhe një tjetër më të fuqishem 180W, 240W ose 330W në varësi të GPU), janë 1 portë Thunderbolt 3, 3 porta USB 3.1, 1 portë HDMI 2.0, 1 portë Mini DisplayPort, Ethernet si dhe një portë të veçantë Alienware, e cila mund të përdoret për të nderruar GPU.
Alienware Area-51m vjen me një çmim të “kripur“: për modelin bazë, i cili vjen me një Core i7-8700, RTX 2070, 1TB hard drive, 8GB RAM DDR4 dhe një ekran 1080p 60Hz, duhet të paguani $2,549 për ta blerë. Edhe pse nuk është potenciali maksimal i këtij laptopi, kjo është ajo që Alienware kërkon të ofrojë nëpërmjet tij. Në të ardhmen, kur këto parametra të jenë të pamjaftueshëm, përdoruesi ka mundësi të përmirësojë gjithçka në këtë laptop, perveç ekranit.