Ali-A shpjegon pse bunkerat në Fortnite nuk mund të hapen

Ylli i YouTube, Alastair ‘Ali-A’ Aiken, ka shpjeguar pse mendon se bunkerët e metalit në Fortnite akoma nuk mund të hapen ose përdoren, duke qenë se i janë shtuar lojës që në Chapter 1.

Këto bunkerë misteriozë u shtuan fillimisht në Wailing Woods në Chapter 1, Season 4 dhe ende nuk janë hapur, duke i vënë vazhdimisht fansat në mëdyshje se për çfarë ata mund të jenë.

Një tjetër nga këta bunkerë ka dalë sërish në sipërfaqe, pas ndryshimeve që ju bënë hartës në 11 korrik. YouTuberi Ali-A ka shpjeguar pse, sipas mendimit të tij, këto bunkerë vazhdojnë të qëndrojnë të mbyllur.

Pas eventit Device në Season 2 Chapter 2, ku u zbulua praktikisht se skine që flasin do të viheshin në kontroll të hartës, Ali-A zbuloi se mund të ketë një përdorim për këto bunkerë.

“Mendoj se bunkerët përdoren si një pikë hyrjeje për ata që presupozohet të kontrollojnë botën e Fortnite battle royale për të hyrë në hartë dhe për të dalë nga ajo,” shpjegoi ai në videon e tij të fundit.

YouTuber-i shtoi se sado që deri më tani nuk ka patur njeri që i ka parë këto bunkerë të hapen, ata me shumë mundësi përdoren gjatë downtime-ve pranë updateve të mëdha dhe ndryshimeve të mëdha të hartës.

Ali-A gjithashtu tha se këto bunkerë mund të luajnë një rol masiv në linjën e historisë së Fortnite në të ardhmen. Gjithsesi, për momentin kjo mbetet vetëm një teori.