Keni kohë deri në 9 gusht për t’i marrë
Keni kohë deri në 9 gusht për t’i marrë
Sot janë zbuluar lojërat më të reja falas në Epic Games Store: Alan Wake dhe For Honor. Të dy lojërat e sipërpërmendura do të mund të merren falas deri të premten, më 9 gusht, prandaj nxitoni t’i merrni për sa kohë keni mundësi. Së bashku, ato kushtojnë rreth $55 dollarë, kështu që është padyshim një ulje e madhe.
Alan Wake është një lojë aksion-aventurë horror me fansa vërtet fanatikë. Siç mund ta kuptoni dhe nga emri i lojës, ju luani si Alan Wake, një autor i cili zbulon disa sekrete aspak të mira ndërsa kalon pushimet e tij në qytetin modest të Bright Falls. Disa pjesë të lojës tashmë mund të duken të vjetra, duke patur parasysh se loja është lançuar në 2010, por loja padyshim që është e mirë dhe deri më tani janë të pakta lojërat të cilat kanë të njëjtën cilësi me të.
Për sa i përket For Honor, arsyet për ta luajtur janë shumë më të thjeshta. Loja është një nga lojërat fighting mesjetare më të mira në treg, sidomos nëse po kërkoni diçka më shpejtë dhe më aventureske se Chivalry ose Mordhau. For Honor nuk bazohet shumë në histori, përkundrazi, e bën atë më interesante dhe njëkohësisht më argëtuese. Pas problemeve në lançim, tashmë loja ka një komunitet besnik, të tërhequr nga update-t dhe expansion-et e shpeshta. Ju do të merrni vetëm version standart të lojës nga Epic Games Store, por do të keni mundësi ta provoni lojën para se të vendosni të shpenzoni më shumë para në të.
Duket se kjo do të jetë java e fundit ku Epic jep dy lojëra falas në një javë, sepse duke nisur nga java tjetër do të ketë sërish vetëm një lojë falas në javë. Kjo është një tjetër arsye e mirë pse nuk duhet t’i humbisni këto dy lojëra sa jeni në kohë.