Activision dhe Bungie lajmëruan se do të ndaheshin 3 ditë më parë, por me Destiny-n që do të mbetej ekskluzivitet i këtyre të fundit. Lajm i mirë ky për fansat e Destiny por jo dhe aq për gjigandin Activision.
Activision dhe Bungie lajmëruan se do të ndaheshin 3 ditë më parë, por me Destiny-n që do të mbetej ekskluzivitet i këtyre të fundit. Lajm i mirë ky për fansat e Destiny por jo dhe aq për gjigandin Activision.
Pas ndarjes që u njoftua mbrëmë, çmimi i aksioneve të kompanisë zbriti më shumë se 7%, duke e zbritur çmimin e një aksioni individual nga 51.35 dollarë në 47.70 dollarë.
Në një raport të SEC që konfirmon ndarjen , Activision deklaroi se edhe pse do të ktheheshin të drejtat botuese për Destiny përsëri tek Bungie, ata nuk pranuan që të mbartin kostot dhe hubjet që mund të sjellë loja në 2019. Kjo na bën të mendojmë se Destiny nuk ka sjellë të ardhurat e pritura tek kompania.
Rënia e aksioneve tregon qartazi se investitorët nuk kanë qenë dakort me vendimin e Activision për tu ndarë nga Bungie vetëm për shkak të Destiny.
Kjo është rënia e dytë madhore në muajt e fundit për sa i përket aksioneve. Pas njoftimit të Diablo: Immortal në BlizzCon, vlera kompanisë kishte rënë me 7%. Që kur u rrit në 83,39 dollarë në muajin tetor, kostoja e aksioneve në kompani është përgjysmuar në vetëm tre muajt e fundit.