Kjo është Age of Empires: Definitive Edition
Kjo është Age of Empires: Definitive Edition
Microsoft po rikrijon lojën origjinale Age of Empires me një Definitive Edition që do të ofrojë grafika 4K dhe gameplay të përmirësuar gjithashtu, njoftoi kompania gjatë PC Gaming Show në E3 2017.
“Ne kemi ribërë çdo aspekt të lojës” tha Adam Isgreen, drejtori kreativ në Microsoft Studios. Age of Empires debutoi në Tetor të 1997, që do të thotë që loja mbush 20 vjeç këtë vit.
Microsoft po e update-on lojën për 2017 me disa prekje moderne dhe përmirësime në gameplay. Gjithashtu tha Isgreen “Ne kemi ri-orkestruar dhe ri-regjistruar të gjithë kolonën zanore të lojës” me një simfoni. Multiplayer do të jetë i vlefshëm për Xbox Live. Microsoft më pare rikrijoi Age of Empires 2 të 1999-ës, ku ky upgrade u quajt Age of Empires 2 HD dhe u lëshua në 2013 në Steam. Forgotten Empires, studioja që zhvilloi Age of Empires 2 HD, po bën gjithashtu Age of Empires: Definitive Edition.
Age of Empires: Definitive Edition do të vijë në Windows PC më vonë gjatë këtij viti. Të interesuarit mund të regjistrohen për një multiplayer Beta sot. Isgreen gjithashtu ngacmoi fansat me disa njoftime lidhur me Age of Empires gjatë Gamescom në Gusht, duke thënë “do të dëgjoni nga ne shumë shpejt” për shumë mënyra se si Microsoft do të organizojë 20 vjetorin e lojës.